BaD BoYs

just4arabs
 
الرئيسيةالبوابةس .و .جبحـثالتسجيلدخول

شاطر | 
 

 بَحِبِّكْ يا مصرْ ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
lol7771
مشرف عام المنتدى الاسلامى
avatar

عدد الرسائل : 494
رقم العضويه : 4
SMS :


My SMS
إبتسم للحياة ولا تتشائم فالحياة لا تعطى الا لمن ابتسم لها


تاريخ التسجيل : 08/04/2008

مُساهمةموضوع: بَحِبِّكْ يا مصرْ ..   الثلاثاء مايو 13, 2008 4:10 am

بَحِبِّكْ يامصرْ



بَحِبِّكْ يا مصرْ ..

وبعشقْ ترابكْ .

وألِفْ المداينْ ..

وأرْجعْ لبابِكْ .

وأحِسْ بكيانى ..

وكرامتى فْ رحابِكْ .

يقولوا فقيره ..

يقولوا أسيره ..

بشوفِكْ أميره ..

وأحبِّكْ يا مصرْ .



بحبِّكْ ملايه .. ومنديلْ بِقُويا .

مقالبْ من أختى .. وغتَاته مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

وأحبِّكْ صبيِّه .. على البحرْ جايَّه ..

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

وأحبِّكْ مراكبْ .. تعدِّى إللِّى راكبْ ..

لبرْ الأمانْ .

يدوبْ جوَّا نيلكْ .. ويعطشْ يجيلكْ ..

يقوللِّكْ كمانْ .



وأقابلِكْ ببُوسه .. فى زفِّةْ عروسه ..

ولَمَّه فى بيتنا ..

مع ولادْ حارتْنا ..

تدُقْ المزاهرْ .. ترُدْ المزامرْ ..

تزَغْردْ جارتْنا .

نهلِّلْ .. نغنى ..

وحلمْ التمنِّى ..

ينورْ ليليتنا .

وأحبِّك زياره لبيتْ عمْ سيدْ ..

ده أصله فقير مِشْ حيقْدرْ يعَيِّدْ ..

نعَيِّدْ عليه .. نفرَّحْ عنِيهْ ..

ويدعيلْنا دعوه بمليونْ جنيه .



فى أرضِكْ يحِسْ الغريبْ إنُّه مصرى ..

وإحنا الأجانبْ .

ويلْقَى الرعايهْ .. ويلْقَى الحمايهْ ..

على كلْ جانبْ .

ويمشى ف ربوعِكْ .. ويشبعْ بجوعِكْ ..

ويعملْ مصايبْ .

ويرحلْ وينسى .. جِميلِكْ ويقْسَى ..

ويطْلَعْ يعايبْ .

ويرْجعْ تسامْحى .. يا ساكنه فْ ملامحى ..

يا سِتْ الحبايبْ .



ولادِكْ بَنُوكى .. بروحْهُمْ فَدُوكى ..

ويِشْهدْ عليهمْ ترابكْ فى سينا .

ومنهُمْ با عوكى .. عشانْ الشِيروكِى ..

وفيللَّا فْ مارينا .

يعيشوا فى خيرِكْ .. ويدُّوهْ لغيركْ ..

ولادْ اللَّذِينا .

ولوْ جارْ زمانْهمْ .. يعودُوا لْمكانهمْ ..

يلاقوا السَكينَهْ .

وتِنْسِى جحودْهمْ .. وتبكى عليهمْ ..

عنيكى الحزينهْ .



فى أرضكْ سرَحْتْ .. فشَلْتْ ونَجَحْتْ ..

وعشْتْ بْبساطَهْ .

صاحِبتْ الحمَامْ .. ونِمْتْ فْ سلامْ ..

ولوَْ عَ البلاطهْ .

تِغَيَّرْ فى شَكلى ..همومى ومشَاكْلى ..

لكِنْ روحى لأْ .

أعَبَّرْ بغنْوهْ .. وأقولْ نُكتهْ حلوهْ ..

لكِنْ يأسْ لأْ .

ما طيقْشْ الغَتاتهْ ..

وقلبى المسالمْ ما يعرفْ شّماتهْ ..

وأقولْ بالتلاتهْ ..

بحبِّكْ .. بحبِّكْ .. بحبِّكْ .. يا مصر

_________________
أن السنبلة الفارغة ترفع رأسها في الحقل ....في حين أن السنبلة الممتلئة بالقمح تخفض رأسها

فلا يتواضع إلا كبير ..... ولا يتكبَّر إلا صغير



إبتسم للحياة ولا تتشائم فالحياة لا تعطى الا لمن ابتسم لها

{Alaa Ahmed}
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ranona22
عضو فضى
عضو فضى
avatar

عدد الرسائل : 339
رقم العضويه : 19
SMS : ((النعمة موصولة بالشكرو الشكر يتعلق بالمزيد و هما مقرونان فى قرن فلن ينقطع المزيد من الله حتى ينقطع الشكر من العبد))
تاريخ التسجيل : 28/04/2008

مُساهمةموضوع: رد: بَحِبِّكْ يا مصرْ ..   الثلاثاء مايو 13, 2008 6:45 am

بالذمة و الامانة و بينى و بينك كدة يعنى يا لولو

الكلام دة من قلبك

اومال مش بحبك يا مصر

المفروض تقول بحبك يا مصر و انتى مغربانا

بحبك يا مصر و انتى بعدانا عن اهلنا

بحبك يا مصر و انتى مرخصلنا كل حاجة

بحبك يا مصر و انتى تعبانة اخر تعب

بحبك يا مصر و انتى قرفانة اخر قرف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lol7771
مشرف عام المنتدى الاسلامى
avatar

عدد الرسائل : 494
رقم العضويه : 4
SMS :


My SMS
إبتسم للحياة ولا تتشائم فالحياة لا تعطى الا لمن ابتسم لها


تاريخ التسجيل : 08/04/2008

مُساهمةموضوع: رد: بَحِبِّكْ يا مصرْ ..   الثلاثاء مايو 13, 2008 11:32 pm

يارنونه ايوة بحب مصر
بس فى فرق بين البلد وبين اللى مساكين البلد
انا بحب مصر لانها بلدى مولود فيها وفيها اهلى واحبابى واعز الناس عليا فيها
يعنى اسبها يعنى واروح احب الصومال ولا السودان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ranona22
عضو فضى
عضو فضى
avatar

عدد الرسائل : 339
رقم العضويه : 19
SMS : ((النعمة موصولة بالشكرو الشكر يتعلق بالمزيد و هما مقرونان فى قرن فلن ينقطع المزيد من الله حتى ينقطع الشكر من العبد))
تاريخ التسجيل : 28/04/2008

مُساهمةموضوع: رد: بَحِبِّكْ يا مصرْ ..   الأربعاء مايو 14, 2008 4:53 am

مشكور على التوضيح يا لولو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بَحِبِّكْ يا مصرْ ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
BaD BoYs :: `·.¸¸.·¯`··._.·المنتديات الادبية`·.¸¸.·¯`··._.· :: منتدى الشعر والخواطر-
انتقل الى: