BaD BoYs

just4arabs
 
الرئيسيةالبوابةس .و .جبحـثالتسجيلدخول

شاطر | 
 

 *****صرخة جيفارا ****

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
kantook4funny
***البوب الكبير***
***البوب الكبير***
avatar

عدد الرسائل : 704
ايه الدماغ : تمام اووووووى
رقم العضويه : 1
SMS :


My SMS
[مرحب بكل الاعضاء الجدد والقدامى]


تاريخ التسجيل : 07/04/2008

مُساهمةموضوع: *****صرخة جيفارا ****   الجمعة مايو 30, 2008 12:43 am

صرخة جيفارا

جيفارا مات
جيفارا مات
اخر خبر فى الراديوهات
وفى الكنايس
والجوامع
وفى الحواري
والشوارع
وع القهاوي وع البارات
جيفارا مات
واتمد حبل الدردشه
والتعليقات

مات المناضل المثال
ياميت خسارة على الرجال
مات الجدع فوق مدفعة جوه الغابات
جسد نضالة بمصرعه
ومن سكات
لا طبالين يفرقعوا
ولا اعلانات
ما رايكم دام عزكم
ياانتيكات
يا غرقانين فى المأكولات
والملبوسات
يا دافيانين
ومولعين الدفايات
يا محفلطين يا ملمعين
ياجيمسنات
( جمع لاسم جيمس بوند بالدارجة المصرية )
يا بتوع نضال اخر زمن
فى العوامات
ما رايكم دام عزكم
جيفارا مات
لاطنطنة
ولا شنشنه
ولا اعلامات واستعلامات

**
عينى عليه ساعه القضا
من غير رفاقه تودعه
يطلع انينه للفضا
يزعق
ولا مين يسمعه
يمكن صرخ من الالم
من لسعه النار ف الحشا
يمكن ضحك
او ابتسم
او ارتعش
او انتشى
يمكن لفظ اخر نفس
كلمه وادع
لجل الجياع
يمكن وصيه
للى حاضنين القضيه
فى الصراع
صور كتير
ملو الخيال
والف مليون احتمال
لكن
اكيد
اكيد
اكيد
ولاجدال
جيفارا مات
موتة رجال


ياشغالين ومحرومين
يا مسلسلين رجلين وراس
خلاص خلاص
مالكوش خلاص
غير بالبنادق والرصاص
دا منطق العصر السعيد
عصر الزنوج والامريكان
الكلمه للنار والحديد
والعدل اخرس او جبان
صرخه جيفار يا عبيد
في اى موطن او مكان
مافيش بديل
مافيش مناص
يا تجهزوا جيش الخلاص
يا تقولوا على العالم خلاص

القاهرة 1968
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://just4arabs.getgoo.net
 
*****صرخة جيفارا ****
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
BaD BoYs :: `·.¸¸.·¯`··._.·المنتديات الادبية`·.¸¸.·¯`··._.· :: منتدى الشعر والخواطر-
انتقل الى: